Bilang batang 90’s, paborito ko panoorin noon sa ABS-CBN ang Sineskwela, Hiraya Manawari at Bayani. Kaya naman natutuwa ako sa balitang may bago na namang hatid na digital venture ang ABS-CBN dahil ipinapakilala ng record label nito na Star Music ang “TuTuBee,” isang YouTube channel na magbibigay kaalaman sa mga bata. Layunin ng Star Music na maghatid ng educational at nakakagiliw na videos sa mga bata at tumulong na madagdagan ang kanilang kaalaman habang nananatili silang nasa bahay ngayon dahil sa panganib ng pandemya.

Ang TuTuBee ang pinakahuling online venture ng ABS-CBN para higit pang mapalakas ang digital presence nito at maabot ang mas maraming manonood. Kasunod ito ng matagumpay na pagpapakila ng ABS-CBN sa Kapamilya Online Live, na nagpapalabas ng mga programa ng ABS-CBN sa YouTube at Facebook.

Kasama ang TuTuBee mascots na sina Aspin at Mimi, sisikapin ng channel na pangalagaan ang mental, physical, at emotional growth ng Pinoy kids gamit ang musika bilang pangunahing tool. Maaari silang kumanta, sumayaw, at matuto ng nursery rhymes at iba pang tunog sa Ingles o Pilipino na tutulong para maalala at maunawaan ng mga bata ang mga aralin at values na mahalaga para sa kanilang pag-unlad.

Tampok din dito ang life skills at teaching tools para sa mga magulang upang mas madali silang makapaghatid ng play-based learning na mga gawain para sa kanilang mga anak.

Nangunguna ang Kapamilya network bilang local account sa YouTube kung saan mayroon itong 28.7 milyong subscribers sa ABS-CBN Entertainment channel habang ang ABS-CBN Star Music ay may 5.4 milyong subscribers na pinanonood ang malawak na koleksyon nito ng mga awitin mula sa baguhang artists at OPM icons.

Tiyak na matutuwa ang mga anak natin. Sabay sabay nating abangan ang TuTuBee channel sa YouTube. Para sa updates, sundan ang @abscbnpr sa Facebook, Twitter, at Instagram, o bisitahin ang www.abs-cbn.com/newsroom.

MrsEneroDiaries

Mrs.Enero – Angel Enero is a former IT System Administrator and now a full-time SAHM to her #littleEneros. She’s a domesticated / hands-on mom who loves baking and gardening.
MRSENERODIARIES blog is an online diary of Angel Enero. Formerly a travel blogger and now a lifestyle mommy blogger. Blogging about EAT. PRAY. LOVE. TRAVEL.